Gəncədə mükafatlandırma mərasimi keçirilib. Bu haqda 18 noyabr tarixində Regional Gənclər və İdman İdarəsinə istinadən məlumat veririk.
Regional Gənclər və İdman İdarəsi və Gəncə Gənclər Evinin birgə təşkilatçılığı ilə “Biz Qayıtdıq” yeniyetmə və gənclər arasında rəsm müsabiqəsi baş tutub. Sonra təltifetmə mərasimi təşkil olunub.
Tədbirdə Gəncə-Daşkəsən Regional Gənclər və İdman İdarəsinin rəisi İntiqam Hüseynov, Gənclər Evinin direktoru Amil Qurbanov, rəssam - xoreoqraf Mobil Qarayev və KOBİA Gəncə-Qazax regional koordinatorluğunun Gəncə KOB dostu Süleyman Tağıyev gənclərin vətənpərvərlik ruhunda yetişdirilməsi və istedadlı şəxslərin aşkarlanmasında bu kimi tədbirlərin böyük əhəmiyyətə malik olduğundan, Qarabağ Zəfərinin önəmindən danışıblar.
Sonda qaliblər münsiflər heyəti tərəfindən müəyyən olunub.
Müsabiqədə l, ll, lll və IV yerləri tutan gənclər diplom və hədiyyələrlə, digər həvəsləndirici yerləri tutanlar isə Regional Gənclər və İdman İdarəsi və Gənclər Evinin rəhbərliyi tərəfindən Sertifikatla təltif ediliblər.
