Gəncədə məktəblilər üçün tədbir keçirilib. Bu haqda 7 dekabr tarixində Gənclər Evinə istinadən məlumat veririk.
“Rəqəmsal dünyanı birlikdə kəşf edək” mövzusunda tədbir Gəncə-Daşkəsən Regional Mədəniyyət İdarəsi tərəfindən Heydər Əliyev Mərkəzində təşkil olunub. Burada Gənclər Evinin innovasiyalar klubunun rəhbəri İlahə Həsənova, müəssisənin əməkdaşı Lalə Həsənli, 27 nömrəli məktəb-liseyin müəllim və şagirdləri iştirak ediblər.
Tədbirdə mövzu ilə əlaqədar çıxışlar zamanı qeyd olunub ki, rəqəmsal texnologiyaların sürətli inkişafı bəşəriyyət qarşısında yüksək tərəqqi üçün yeni yollar açır. İnkişaf etmiş dövlətlər rəqəmsallaşma prosesinin sosial və iqtisadi həyata daha sürətli inteqrasiyası üçün proqramlar hazırlayır və bu da onlar arasında rəqabəti formalaşıdırır. Böyük güclər rəqabətə davamlı yüksək texnologiyalar vasitəsilə irihəcmli məlumatları emal edir. Bu rəqəmsal texnologiyaların istifadəsi hər gün getdikcə daha çox artır.
