Gəncədə vətəndaş qəbulu keçiriləcək. Bu haqda 27 fevral tarixində Apa-ya istinadən xəbər veririk.
Mərkəzi icra hakimiyyəti orqanlarının və digər idarəetmə qurumlarının rəhbərləri vətəndaşları qəbul edəcəklər. Dini Qurumlarla İş üzrə Dövlət Komitəsi sədrinin vəzifəsini müvəqqəti icra edən Səyyad Salahlı Gəncəyə səfər edəcək. O, 14 mart saat 10:00-da Gəncə və Naftalan şəhərləri, Daşkəsən, Göygöl, Samux, Goranboy, Xocalı, Kəlbəcər rayonlarından olan vətəndaşlarla görüşəcək.
Həmçinin Azərbaycan Dövlət Su Ehtiyatları Agentliyinin sədri Zaur Mikayılov 29 mart saat 10:00-da vətəndaş qəbulu keçirəcək. Sədr Gəncə şəhəri, Samux və Kəlbəcər rayonlarından olan vətəndaşları dinləyəcək.
