Gəncədə "Xalqın mədəni sərvəti" layihəsi çərçivəsində tədbirlər davam edir. Bu haqda 15 fevral tarixində Gəncə Dovlət Filarmoniyasına istinadən xəbər veririk.
Heydər Əliyev Mərkəzində əbədiyaşar bəstəkarımız, SSRİ Xalq artisti Qara Qarayevə həsr olunmuş konfrans keçirilib. Burada onun yaradıcılığında opera, balet, və simfoniya janrı mövzuları ətrafında məruzələr dinlənilib, fikir mübadilələri aparılıb.
Tədbirdə filarmoniyanın direktoru Ramil Qasımov və Regional Mədəniyyət İdarəsinin Mədəniyyət müəssisələri ilə iş sektorunun müdiri Nurəddin Babazadə çıxış ediblər. Onlar layihənin əsas məqsədinin bugünkü nəsli maarifləndirmək və milli-mənəvi dəyərləri əks etdirən sənətkarlarımızı təbliğ etmək olduğunu qeyd ediblər.
