Gəncədə tikinti norma və qaydaları ilə bağlı iclas baş tutub. Bu haqda 7 noyabr tarixində İcra Hakimiyyətinə istinadən xəbər veririk.
Təsərrüfatbaşına uçot kitablarının dürüstləşdirilməsi və qanunsuz tikintilərin qarşısının alınması ilə bağlı iclas təşkil olunub. Burada icra başçısı Niyazi Bayramov, şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvləri, həmçinin sahə inzibati ərazi və qəsəbə inzibati ərazi dairələri üzrə nümayəndələr iştirak ediblər.
Toplantıda şəhərdə olan bir sıra problemlərin aradan qaldırılmasına, təsərrüfatbaşına uçot kitablarının dürüstləşdirilməsinə və qanunsuz tikintilərin qarşısının alınmasına dair müzakirələr aparılıb.
Bildirilib ki, mövcud problemlərin təhlili və həlli istiqamətində işlər həyata keçirilir. Daha sonra şəhər rəhbəri tədbirlərin gücləndirilməsi ilə bağlı aidiyyəti üzrə tapşırıqlar verib.
