Gəncədə forum təşkil olunub. Bu haqda 4 mart tarixində Kəpəz televiziyasına istinadən məlumat veririk.
“Qadın Həmrəyliyi Forumu" Gəncə Dövlət Dram Teatrında baş tutub. Tədbir Beynəlxalq Qadınlar Günü münasibətilə reallaşıb. Buraya 400-ə yaxın qadın qatılıb. Görüş xanımların cəmiyyətdəki rolunun daha da artırılması üçün baş tutub.
Forumda pedaqoqlar, psixoloqlar və digər sahələrin mütəxəssisləri “Qadın və təhsil”, “Ana və qadın yaranışı”, “Həyat eşqimiz”, “Döş xərçənginə yox deyək” mövzularında çıxışlar ediblər. Qadınların həyatımızdakı önəmi, sosial statusu, ictimai işlərdə fəallığı, inkişafı barədə danışılıb.
Tədbirə Nizami yurdu ilə yanaşı, ətraf şəhər və rayonlardan olan qonaqlar da iştirak ediblər.
