Gəncədə abadlıq işləri görülüb. Bu haqda 21 fevral tarixində Mənzil Kommunal Təsərrüfatı İstehsalat Birliyinə istinadən xəbər veririk.
Şəhərin yaşayış binalarında qəzalı vəziyyətdə olan eyvanların təmir-bərpası həyata keçirilib. Şah İsmayıl Xətai prospektində yerləşən 405 və 409 saylı binaların qəzalı vəziyyətdə olan eyvanları təmir edilib. İşlər Mənzil Kommunal Təsərrüfatı İstehsalat Birliyinin Təmir-Tikinti və Qəza xidməti şöbəsinin əməkdaşları və texnikaları tərəfindən aparılıb.
Adıçəkilən ünvanlarda eyvanların alt hissəsindəki yararsız hissələr sökülərək, əvəzində yeni dəmir-beton konstruksiya yığılıb.
Qeyd edək ki, MKTİB tərəfindən şəhər ərazisində bu kimi qəzalı eyvanlar aşkar olunduqca əsaslı təmiri həyata keçirilir.
