Gəncədə dünya şöhrətli bəstəkarın xatirəsi anılıb. Bu haqda 16 aprel tarixində İcra Hakimiyyətinə istinadən məlumat veririk.
İcra Hakimiyyətinin dəstəyi və Gəncə-Daşkəsən Regional Mədəniyyət İdarəsinin təşkilatçılığı ilə görkəmli bəstəkar Qəmbər Hüseynlinin 108 illiyi qeyd olunub. Burada icra başçısı Niyazi Bayramov, Türkiyənin Gəncədəki Baş konsulu Recep Öztop, YAP Gəncə Şəhər Təşkilatının sədri Bayram Aslanov, millət vəkili Pərvin Kərimzadə, Gəncə Dövlət Universitetinin rektoru Yusif Yusibov, Gəncə-Daşkəsən Regional Mədəniyyət İdarəsinin rəisi Pərvin Kazımov, İcra Hakimiyyəti başçısı Aparatının məsul əməkdaşları, bəstəkarın ailə üzvləri və şəhər rəsmiləri iştirak ediblər.
Onlar Əməkdar incəsənət xadiminin Filarmoniya bağındakı məzarı üzərinə tər çiçəklər düzüblər. Daha sonra tarda bəstəkarın sevilən “Ay işğında” mahnısı ifa olunub.
