Gəncədə qurumuş ağaclarla bağlı tədbir görülüb. Bu haqda 29 yanvar tarixində MKTİB-yə istinadən məlumat veririk.
Sözügedən işlər şəhərin "Qələbə" parkı ərazisində aparılıb. 11 oktyabr 2020-ci ildə erməni terroru zamanı buraya raket atılıb. Nəticədə ərazidəki yaşıllıqların bir qismi məhv edilib. Digər iri gövdəli ağacların isə inkişafı dayanıb.
Bu səbəbdən Mənzil Kommunal Təsərrüfatı İstehsalat Birliyinin Yaşıllaşdırma şöbəsi Ekologiya və Təbii Sərvətlər nazirliyinin 10 saylı ərazi idarəsinin rəyi əsasında Qələbə parkında və ətrafında qurumuş bitkilərin kəsilməsi, digərlərinin isə budanması işlərini həyata keçirir.
Bildirilir ki, gələcəkdə "Gəncə Memorial Kompleksi" yaradıldıqdan sonra burada yeni yaşıllıq zolaqları salınacaq.
