Gəncədə Azərbaycanın Milli Qəhrəmanı Xəlilbəyli Təbriz Xəlil Rza oğlunun anadan olmasının 60 illiyi ilə əlaqədar tədbir baş tutub. Bu haqda 12 fevral tarixində Mərkəzləşdirilmiş Kitabxana Sisteminə istinadən xəbər veririk.
9 nömrəli Kitabxana 37 nömrəli tam orta məktəbdə “Qəhrəmanların xatirəsi unudulmayacaq” adlı anım günü keçirib. Burada şəhidlərin xatirəsi bir dəqiqəlik sükutla yad edilib.
Tədbiri 9 nömrəli Kitabxana filialının müdiri açıq elan edib. O, şagirdlərə Azərbaycanın Milli Qəhrəmanı Xəlilbəyli Təbrizin həyat və döyüş yolu haqqında məlumat verib. Daha sonra məktəbin müəllim kollektivi şəhidlik adlı uca zirvəyə adlarını yazdıran Vətən oğullarının tanıdılmasının vacibliyi haqqında çıxışlar ediblər. Onlar bildiriblər ki, onilliklər keçsə də, Azərbaycanın ərazi bütövlüyü uğrunda canından keçən qəhrəman oğulların xatirəsi heç vaxt yaddaşlardan silinməyəcək.
