Gəncədə universitetlərin birində görüş keçirilib. Bu haqda 23 noyabr tarixində ATU-ya istinadən məlumat veririk.
“Prima Consulting” MMC-nin səlahiyyətli nümayəndələrinin fokus qruplar üzrə görüşləri Azərbaycan Texnologiya Universitetində təşkil olunub. Məqsəd Təhsil Tələbə Krediti Fondunun fəaliyyəti ilə bağlı kəmiyyət və keyfiyyət göstəricisinin, vətəndaş məmnuniyyətinin müəyyən edilməsidir.
Tədbirə müxtəlif zaman aralığında sosial və standart TTK-ya müraciət edən tələbələrin valideynləri, TTK haqqında məlumatlı olan və olmayan əməkdaşlar, təhsil tələbə kreditinə namizəd olub, ancaq yararlanmayan tələbələr qatılıblar.
MMC-nin əməkdaşı Allahverdi Şəfiyev fokus qruplar üzrə təhsil tələbə kreditinin mahiyyəti, müraciət qaydaları haqqında danışıb, şərtlər üzrə yanvar ayından tətbiq olunacaq yenilikləri diqqətə çatdırıb, valideynlərin, universitet əməkdaşlarının, həmçinin tələbələrin TTK ilə bağlı fikirlərini öyrənib, təklif və müraciətlərini qeydə alıb.
