Gəncədə Baş DYP İdarəsinin əməkdaşları nəzarət tədbirləri keçiriblər. Bu haqda 17 aprel tarixində Daxili İşlər Nazirliyinə istinadən xəbər veririk.
Həyata keçirilən nəzarət tədbirləri mühərrikinin işlənmiş qazlarında atmosferə atılan zərərli maddələrin miqdarı normadan artıq olan avtonəqliyyat vasitələrinin aşkar edilməsi məqsədilə baş tutub. Tədbirlər zamanı DYP əməkdaşları tərəfindən atmosferə normadan artıq zərərli maddələr atan avtomobillərin istismarının qarşını alınıb.
Həmçinin sürücülərlə, sərnişin və yükdaşıma fəaliyyəti göstərən fiziki və hüquqi şəxslərlə nasaz nəqliyyat vasitələrindən istifadənin ətraf mühitə, insanların həyat və sağlamlığına vurduğu zərərlə bağlı maarifləndirmə xarakterli söhbətlər aparılıb. Bu sahədə yol verilən qayda pozuntularının inzibati məsuliyyət yaratdığı diqqətlərinə çatdırılıb.
