Gəncədə tələbələr üçün ekskursiya təşkil olunub. Bu haqda 18 aprel tarixində Ticarət və Xidmət üzrə Gəncə Dövlət Peşə Təhsil Mərkəzinə istinadən məlumat veririk.
Təşəbbüs Beynəlxalq Abidələr və Tarixi Yerlər Günü münasibətilə baş tutub. Ticarət və Xidmət üzrə Gəncə Dövlət Peşə Təhsil Mərkəzinin bir qrup tələbəsi Nizami məqbərəsi, Şah Abbas məscidi, Çökək hamam və Göygöldə olan yer altı şəhərə səfər ediblər.
Bundan başqa, gənclər Nizami yurdundakı muzeylərdə olublar. Onlara burada ətraflı məlumat verilib, sualları cavablandırılıb.
