Gəncədə kitab sərgisi təşkil olunub. Bu haqda 24 aprel tarixində Kəpəz televiziyasına istinadən xəbər veririk.
Beynəlxalq “Oxu Günü”nə həsr olunmuş kitab sərgisi keçirilib. Burada kitabın mənəvi və bəşəri dəyər olduğundan, mütaliənin üstünlüklərindən danışılıb. Həmçinin vətənpərvərlik tərbiyəsinin aşılanmasında kitabların əhəmiyyətindən, bədii əsər qəhrəmanlarının insan həyatına təsirlərindən söz açılıb.
Kitab sərgisində məktəblilər Azərbaycan və dünya ədəbiyyatına dair klassik və çağdaş nümunələrlə yaxından tanış olub, maraqlı təqdimatlarla çıxış ediblər. “Tədbirin əsas məqsədi keçmiş nəsillərlə - qədim ədəbiyyatımızla, klassikamızla bugünkü ədəbiyyatımız arasında bir körpü yaratmaqdır”, - deyə məktəb direktoru bildirib.
