Gəncədə onlayn görüş təşkil edilib. Bu haqda 8 aprel tarixində Nizami Bələdiyyəsinə istinadən xəbər veririk.
“Dayanıqlı Enerji və İqlim üzrə Fəaliyyət Planının ilkin layihəsinin təqdimatı onlayn görüş vasitəsilə baş tutub. Nizami Bələdiyyəsi Avropa İttifaqının Şərq Tərəfdaşlığı çərçivəsində dəstəklənən Merlər Razılaşması təşəbbüsünə qoşulub. Burada məqsəd şəhər təsərrüfatında enerji effektivliyinin artırılması və iqlim dəyişikliklərinə uyğunlaşma tədbirlərinin hazırlanması və həyata keçirilməsidir.
Azərbaycan üzrə Merlər Razılaşmasının Milli Əlaqələndiricisi Azərbaycan Respublikasının Energetika Nazirliyidir.
Gəncə şəhəri üzrə “Dayanıqlı Enerji və İqlim üzrə Fəaliyyət Planının (SECAP) ilkin layihəsinin təqdimatı Aİ tərəfindən maliyyələşdirilən “Azərbaycanda Merlərin Razılaşması - Şərq və İqtisadi İnkişafı Dəstəkləyən Bələdiyyə Sədrləri regional layihələrin həyata keçirilməsinə dəstək” Texniki Yardım layihəsi proqramı çərçivəsində təşkil olunub.
