Gəncədə vətəndaş qəbulu keçirilib. Bu haqda 30 avqust tarixində İcra Hakimiyyətinə istinadən məlumat veririk.
İcra başçısı tərəfindən səyyar görüş təşkil olunub. Burada şəhər rəhbərliyi ilə yanaşı, YAP Gəncə şəhər təşkilatının sədri, İcra Hakimiyyəti başçısı aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Görüşdə vətəndaşlar tək-tək çıxış edərək, öz şikayət və təkliflərini dilə gətiriblər. Müraciətlər arasında işlə təminat, müalicə, mənzil-məişət şəraitinin yaxşılaşdırılması üçün maddi yardımın göstərilməsi və s. məsələlər üstünlük təşkil edib.
Niyazi Bayramov sakinləri narahat edən məsələlərin həlli istiqamətində müəyyən tapşırıqlar verib. Problemlərin bir çoxu isə yerindəcə öz həllini tapıb.
