Gəncədə vətəndaş qəbulu baş tutub. Bu haqda 26 dekabr tarixində İcra Hakimiyyətinə istinadən məlumat veririk.
İcra başçısı Niyazi Bayramov sakinlərlə görüşüb. Səyyar qəbul “Azəralüminium” MMC-də təşkil olunub. Burada YAP Gəncə Şəhər Təşkilatının sədri Bayram Aslanov, Aparatın məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Şəhər rəhbərliyi MMC-də işləyən və yaxınlıqdakı ərazidə yaşayan sakinlərin müraciətlərini dinləyib. Onların arasında işlə təminat, maddi yardımın göstərilməsi, qəsəbələrə yeni marşrut xətlərinin açılması, məhəllədaxili yolların asfaltlanması və s. məsələlər üstünlük təşkil edib.
Görüş zamanı səsləndirilən problemlərin qısa zamanda aradan qaldırılması üçün müvafiq tapşırıqlar verilib. Bir çox məsələlər yerindəcə öz həllini tapıb.
