Gəncə Şəhər İcra Hakimiyyəti başçısının şəhid ailələri ilə görüşü baş tutub. Bu haqda 19 yanvar tarixində İcra Hakimiyyətinə istinadən xəbər veririk.
Niyazi Bayramov Vətən müharibəsində şəhid olan şəxslərin ailə üzvləri ilə görüşüb. Görüşdə şəhid ailələri tərəfindən səsləndirilən bir çox məsələlər yerindəcə həllini tapıb. Həlli zaman tələb edən məsələlərlə bağlı müraciətlər isə qeydiyyata alınaraq, müvafiq qurumlara göndərilməsi üçün nəzarətə götürülüb.
Qəbulda iştirak edən şəhid ailələri onlara göstərilən xüsusi diqqət və qayğıya görə ölkə rəhbərliyinə və Mehriban xanım Əliyevaya minnətdarlıqlarını bildiriblər.
