Gəncə Şəhər İcra Hakimiyyətinin başçısı vətəndaşları fərdi qaydada dinləyib. Bu haqda 12 fevral tarixində İcra Hakimiyyətinə istinadən xəbər veririk.
Niyazi Bayramov 44 nömrəli məktəb-lisey kompleksində növbəti dəfə vətəndaşlarla görüşüb. Qəbulda YAP Gəncə Şəhər Təşkilatının sədri Bayram Aslanov, Aparatın məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Görüşdə şəhər sakinləri onları narahat edən məsələləri gündəmə gətiriblər. Səsləndirilən müraciətlərdə işlə təminat, fərdi yaşayış evinin təmiri, maddi yardım və digər məsələlər üstünlük təşkil edib. Şəhər başçısı vətəndaşların səsləndirdikləri problemlərin qısa zamanda aradan qaldırılması istiqamətində müvafiq tapşırıqlar verib. Qaldırılan bir çox məsələlər yerindəcə öz həllini tapıb, digər müraciətlər qeydiyyata alınaraq, aidiyyəti qurumlara həvalə edilib.
