Gəncədə vətəndaş qəbulu baş tutub. Bu haqda 20 aprel tarixində İcra Hakimiyyətinə istinadən məlumat veririk.
Səyyar görüş 18 nömrəli tam orta məktəbdə keçirilib. Burada şəhər rəhbəri Niyazi Bayramov, YAP Gəncə Şəhər Təşkilatının sədri Bayram Aslanov, İcra Hakimiyyəti Aparatının məsul əməkdaşları, bələdiyyə sədrləri, həmçinin idarə və müəssisə rəhbərləri iştirak ediblər.
Rəsmilər sakinlərin problemlərini dinləyiblər. Müraciətlər arasında işlə təminat, fərdi yaşayış evinin təmirinə köməklik göstərilməsi, maddi yardım və s. mövzular üstünlük təşkil edib. Səsləndirilən məsələlərin əksəriyyəti yerindəcə həllini tapıb. Digərlərinin aradan qaldırılması istiqamətində müvafiq tapşırıqlar verilib.
