Gəncədə vətəndaş qəbulu keçirilib. Bu haqda 16 fevral tarixində İcra Hakimiyyətinə istinadən məlumat veririk.
Səyyar görüş 26 nömrəli tam orta məktəbdə təşkil olunub. Tədbirdə YAP Gəncə Şəhər Təşkilatının sədri Bayram Aslanov, Gəncə Şəhər İcra Hakimiyyəti başçısı Aparatının məsul əməkdaşları, idarə, müəssisə rəhbərləri iştirak ediblər.
Burada sakinlərin müraciətləri tək-tək dinlənilib. Onların arasında, əsasən, işlə təminat, müalicə, mənzil növbəliliyi, maddi yardımın göstərilməsi və digər məsələlər yer alıb.
Niyazi Bayramov həmin problemlərin qısa zamanda aradan qaldırılması istiqamətində müvafiq tapşırıqlar verib. Bir çox məsələlər yerindəcə öz həllini tapıb. Digər müraciətlər isə araşdırılaraq, aradan qaldırılması üçün qeydiyyata götürülüb.
