Gəncə Şəhər İcra Hakimiyyətində tədbir keçirilib. Bu haqda 7 mart tarixində İcra Hakimiyyətinə istinadən xəbər veririk.
Niyazi Bayramov 8 Mart – Beynəlxalq Qadınlar Günü münasibətilə Aparatın qadın əməkdaşlarını səmimi qəlbdən təbrik edib. Şəhər rəhbəri vurğulayıb ki, demokratik cəmiyyətin inkişafının təminatçısı olan qadınlar ölkənin dövlət idarəçiliyində, həmçinin mədəni, pedaqoji, elmi həyatında öhdələrinə düşən vəzifələri layiqincə yerinə yetirirlər.
Tədbirdə çıxış edən Dövlət İdarələri və İctimai Xidmət İşçiləri Həmkarlar İttifaqının Gəncə şəhər komitəsinin sədri Mahmud Fərzəliyev də öz növbəsində xanımları təbrik edərək, gələcək fəaliyyətlərində uğurlar diləyib. Sonda Dövlət İdarələri və İctimai Xidmət İşçiləri Həmkarlar İttifaqı Gəncə şəhər komitəsinin adından xanım əməkdaşlara hədiyyələr təqdim olunub.
