Gəncədə vətəndaşlarla görüş keçirilib. Bu haqda 24 yanvar tarixində İcra Hakimiyyətinə istinadən məlumat veririk.
Şəhər rəhbərliyi 14 nömrəli tam orta məktəbdə sakinləri qəbul edib. Səyyar görüşə millət vəkili Müşfiq Cəfərov, İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəsisə və təşkilat rəhbərləri qatılıblar.
Sakinlər onları narahat edən məsələlər haqda danışıblar. Səsləndirilən müraciətlərdə işlə təminat, müalicə, maddi yardım və digər məsələlər üstünlük təşkil edib.
Niyazi Bayramov problemlərin qısa zamanda aradan qaldırılması üçün müvafiq tapşırıqlar verib. Səsləndirilən məsələlərdən bir çoxu yerindəcə həllini tapıb, digərləri isə qeydiyyata alınaraq, aidiyyəti qurumlara həvalə olunub.
