Gəncədə gender bərabərliyi ilə bağlı tədbir keçiriləcək. Bu haqda 22 fevral tarixində Gender Hub-a istinadən məlumat veririk.
Tədbirlər “Gender Bərabərliyi Fəallarının Bacarıqlarının Artırılması” multidisiplinar layihəsi çərçivəsində təşkil olunacaq. Burada ilkin mərhələdə gender bərabərliyi və insan hüquqları, liderlik və icma quruculuğu mövzularında beynəlxalq standartlara əsaslanan bacarıqların artırılması üzrə təlim kursu baş tutacaq. Nizami yurdunda seminarlar 15-17 mart tarixlərində həyata keçiriləcək.
İkinci mərhələdə (aprel-iyun ayları) iştirakçıların qrup təşəbbüsü ilə yerlərdə davamlılıq və mentorluq fəaliyyətlərini əhatə edəcək. Son turda konfrans baş tutacaq. Gənclər həyata keçirdikləri fəaliyyətləri, regionlarda qarşılaşdıqları çətinliklər və imkanları burada iştirak edən digər şəxslərlə bölüşəcəklər.
Layihə Niderland Krallığının dəstəyi və Gender Hub Azərbaycanın təşkilatçılığı ilə baş tutacaq.
Qeydiyyatdan keçmək və əlavə məlumat almaq üçün @genderhubazerbaijan İnstagram səhifəsinə yazmaq olar. Son müraciət tarixi 3 mart saat 23:59-dur.
