Gəncədə maarifləndirici təlim təşkil olunub. Bu haqda 11 yanvar tarixində Regional Gənclər və İdman İdarəsinə istinadən xəbər veririk.
“Narkomaniyaya yox deyək” mövzusunda yeniyetmə və gənclərə maarifləndirici təlim keçirilib. Burada şagirdlərlə videoçarx izlənilib. Daha sonra sual-cavabla geniş müzakirələr aparılıb.
Təlimdə Regional Gənclər və İdman İdarəsinin Gənclərlə iş sektorunun baş məsləhətçisi, Gənclərlə iş üzrə təlimçi Maarif Quliyev, 44 nömrəli məktəb-liseyin psixoloqu Samirə Mahmudova, UNİCEF-in maliyyə dəstəyi ilə fəaliyyət göstərən SOS Uşaq Kəndləri - Azərbaycan Assosiasiyasının Uşaqlar üçün Sosial Xidmət Mərkəzinin sosial işçisi İnarə Məmmədova və Vəkillər kollegiyasının üzvü vəkil Əfqan Zeynalov iştirak ediblər.
