Gəncədə yanğın hadisəsi baş verib. Bu haqda 15 mart tarixində Apa-ya istinadən xəbər veririk.
Hadisə şəhərin Yeni Gəncə yaşayış massivində qeydə alınıb. "VAZ " markalı minik maşını anidən alışıb. Hadisə yerinə Fövqəladə Hallar Nazirliyinin briqadası cəlb olunub. Yanğın söndürülüb, avtomobilin qalan hissəsi yanğından mühafizə edilib.
Məlumata görə, yanan maşının sahibi Rusiya vətəndaşı olan 56 yaşlı F.Ələsgərovdur. Onun sözlərinə görə, avtomobilini kürəkəni yandırıb.
Hadisə yerinə polis əməkdaşları cəlb olunublar.
