Gəncədə soyqırım qurbanları yad ediliblər. Bu haqda 26 fevral tarixində İcra Hakimiyyətinə istinadən məlumat veririk.
Bəşəriyyətin ən dəhşətli faciələrindən biri olan Xocalı soyqırımından 32 il keçir. Bununla əlaqədar “İmamzadə” Dini Ziyarətgah Kompleksində, Aleksandr Nevski adına Rus Pravoslav Kilsəsində, Yəhudi və Yeddinci günün adventisləri dini icmalarında anım mərasimləri təşkil olunub.
Burada soyqırımından danışılıb, erməni silahlı birləşmələri tərəfindən Xocalı şəhərində mülki insanlara qarşı törədilmiş vəhşiliklər pislənilib, həmin dəhşətli olaylar insanlığa qarşı cinayət adlandırılıb.
Anım mərasimlərində faciə qurbanlarının, həmçinin şəhidlərimizin əziz xatirəsi anılıb, ruhlarına dualar oxunub.
