Gəncədə Regional Gənclər və İdman İdarəsi, Gənclər Evi və Gəncə Dövlət Universitetinin birgə təşkilatçılığı ilə tədbir olacaq. Bu haqda 20 dekabr tarixində Regional Gənclər və İdman İdarəsinə istinadən xəbər veririk.
"Müasir Gənclik Forumu 2023" adlı tədbir təşkil olunacaq. Forum iki paneldən ibarət olacaq. Birinci hissədə "Spikerlərin çıxışı", ikinci hissədə isə gənclərlə iş üzrə seminar keçiriləcək. Tədbirin məqsədi gənclərimizə uğurlu karyera qurmaqda yardımçı olacaq lazımi bilik vermək və peşəkar kadr kimi yetişmələrinə kömək olmaqdır.
Forumda spikerlər GDU-nun tarix üzrə fəlsəfə doktoru Nurlana Həmzəyeva, məktəbin direktoru natiqlik sahəsi üzrə təlimçi Eldəniz Səttarov, Pedaqogika üzrə fəlsəfə doktoru Pedaqoji fənlər üzrə təlimçi Lamiə Hacımuradova çıxış edəcəklər. Seminarda Regional Gənclər və İdman İdarəsinin Gənclərlə iş sektorunun baş məsləhətçisi, gənclərlə iş üzrə təlimçi Maarif Quliyev, "Fərəh Sosial İctimai Birliyi" nin həmtəsisçisi və inklüziv təhsil üzrə təlimçi İlqar Hümbətov iştirak edəcəklər.
