Gəncədə müəllimlər üçün tədbir keçirilib. Bu haqda 1 mart tarixində Regional Təhsil İdarəsinə istinadən məlumat veririk.
"Qrant müsabiqələrinə layihələrin yazılması" təlimi Gəncə-Daşkəsən Regional Təhsil İdarəsi və AGMA-nın Gəncə-Daşkəsən Regional filialının təşkilatçılığı ilə baş tutub. Burada idarənin tabeliyində fəaliyyət göstərən ümumtəhsil məktəblərində çalışan müəllim heyəti iştirak edib.
Tədbirdə Regional Təhsil İdarəsinin Tədrisin keyfiyyəti sektorunun məsləhətçisi Pərviz Rəcəbov, Gəncə-Daşkəsən Regional Gənclər və İdman İdarəsinin Gənclərlə iş sektorunun baş məsləhətçisi Maarif Quliyev və Gənclər Fondunun təlimçi bazasının təlimçisi İlqar Hümbətov qeydiyyat prosesi, ideyaların formalaşması, layihə təklif sənədi və icra sənədlərinin düzgün hazırlanması haqqında ətraflı məlumat veriblər.
Daha sonra müəllimləri maraqlandıran suallar cavablandırılıb.
