Gəncədə Heydər Əliyev Mərkəzində tədbir keçirilib. Bu haqda 2 aprel tarixində Heydər Əliyev Mərkəzinə istinadən xəbər veririk.
“Azərbaycan təhsilinin inkişafında ulu öndər Heydər Əliyevin rolu” mövzusunda tədbir baş tutub. Burada 21 nömrəli tam orta məktəbin müəllim və şagirdləri iştirak ediblər. Tədbirdən əvvəl mərkəzin əməkdaşı şagirdlərə Heydər Əliyevin Xatirə Muzeyində nümayiş olunan eksponatlar haqqında ətraflı məlumat verib.
Tədbirdə qeyd ediblər ki, Azərbaycan tarixində və dövlətçiliyin inkişafında misilsiz xidmətləri olan ümummilli liderin çoxşaxəli fəaliyyətində təhsil xüsusi yer tutub. Həmçinin istər 1969-1982-ci illərdə, istərsə də müstəqillik tariximizdə ölkəmizə rəhbərlik etdiyi dövrlərdə həyata keçirilən genişmiqyaslı islahatlar təhsil sisteminin inkişafı üçün əsaslı baza yaradıb.
