Gəncədə yol-nəqliyyat hadisəsi baş verib. Bu haqda Gencexeber.az-a 5 mart tarixində məlumat daxil olub.
Hadisə şəhərin Mobil Əhmədov küçəsində qeydə alınıb. Qəzada üç nəqliyyat vasitəsi iştirak edib.
Şahidlərin sözlərinə görə, “Opel” markalı avtomobil ötmə əməliyyatı edərkən yolun qarşı tərəfinə çıxıb. Nəticədə üzbəüz gələn “Mercedes” markalı avtomobillə toqquşub. “Opel”in qarşısında hərəkətdə olan “Nissan”ın sürücüsü isə hadisənin təsirindən idarəetməni itirib. Sözügedən avtomobil bordürə çarpılıb. Qəza zamanı üç nəfər xəsarət alıb.
Hadisə yerinə polis əməkdaşları və təcili tibbi yardım briqadası cəlb olunub. Zərərçəkmişlər xəstəxanaya yerləşdiriliblər.
Faktla bağlı araşdırma aparılır.
