Gəncədə abadlıq işləri aparılıb. Bu haqda 17 fevral tarixində İcra Hakimiyyətinə istinadən xəbər veririk.
Şəhərin müxtəlif ərazilərində yerləşdirilən istiqamətverici lövhələr təmir olunub. İşlər Mənzil Kommunal Təsərrüfatı İstehsalat Birliyinin əməkdaşları tərəfindən görülüb. Qurumun əməkdaşları istiqamətverici lövhələri emalatxanada əsaslı şəkildə təmir edərək yenidən quraşdırıblar.
Qeyd edək ki, istiqamətverici lövhələrin quraşdırılmasında əsas məqsəd Gəncəyə gələn xarici qonaqlara istiqamətləri göstərməklə yanaşı, həm də şəhəri tanıtmaqdır.
