Gəncə Şəhər İcra Hakimiyyətinin təşəbbüsü ilə şəhərin ekoloji tarazlığının qorunması və yaşıllıq zolaqlarının artırılması məqsədilə gül əkini aksiyası davam edir. Bu haqda 10 fevral tarixində MKTİB-yə istinadən xəbər veririk.
Bir neçə istirahət məkanına iqlim şəraitinə uyğun güllər əkilib, onlara xüsusi aqrotexniki qulluq göstərilib. İşlər Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən görülür.
Aksiya çərçivəsində "Avropa Gənclər Paytaxtı" parkında, "Park-Bulvar Kompleksi"nin ərazisində, Gəncə Dövlət Dram Teatrının yeni binasının ətrafında, yol kənarlarında və yol dairələrində mövsümi dekorativ gül-çiçəklər əkilib. Güllərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib.
[modula id="54603"]
