Gəncədə istirahət guşələrindən biri səliqəyə salınır. Bu haqda 22 dekabr tarixində MKTİB-yə istinadən məlumat veririk.
Söhbət Xan bağından gedir. Burada MKTİB-nin Təmir-Tikinti və Qəza xidməti şöbəsi tərəfindən növbəti abadlıq işləri çərçivəsində parkın ərazisindəki yararsız hala düşən tamet, aqlay və kərpic örtükləri yenilənir. İstirahət məkanının işıq dayaqları, plafonları, oturacaqlar boyanır və təzyiqli su vasitəsilə yuyulur.
Qeyd edək ki, artıq bir neçə gündür ki, MKTİB-nin xüsusi texnikaları və canlı qüvvəsi tərəfindən parkın döşəmələri, oturacaqları, fəvvarələri, gül qabları yuyulur, ömrünü başa vurmuş çiçək və gül kolları yenisi ilə əvəz edilir. Suvarma arxları kol-kosdan və lildən təmizlənir. Parkın ərazisində olan xalq şairi Nigar Rəfibəylinin heykəlinin, ilk azərbaycanlı Sovet İttifaqı Qəhrəmanı İsrafil Məmmədovun qəbirüstü abidəsinin, Gəncə qala divarının qalığının ətraflarına müxtəlif dekorativ güllər əkilir, həmin ərazilərdə təmizlik işləri aparılır.
[modula id="52024"]
