Gəncədə Mülki Müdafiə Günü ilə əlaqədar maarifləndirici tədbir keçirilib. Bu haqda 2 mart tarixində MKTİB-yə istinadən xəbər veririk.
Mənzil Kommunal Təsərrüfatı İstehsalat Birliyində mülki müdafiənin təşkilinin təkmilləşdirilməsi mövzusunda maarifləndirici tədbir baş tutub. Burada mülki müdafiə sahəsində 2023-cü ildə görülən işlər və 2024-cü ildə qarşıda duran vəzifələr müzakirə edilib.
Tədbirdə, həmçinin MKTİB-nin rəis müavinləri İlqar Əsədov, Naqif İbişov, Daxili Nəzarət şöbəsinin rəisi Xəyal Hacızadə iştirak ediblər. Onlar mülki müdafiənin əhəmiyyətini, hər hansı bir fövqəladə hadisə baş verən zaman əhalinin və işçilərin yan təsirlərdən qorunması məqsədi daşıdığını vurğulayıblar.
Qeyd edək ki, 1 Mart - Ümumdünya Mülki Müdafiə Günüdür. Azərbaycan da 1993-cü ildə bu nüfuzlu beynəlxalq təşkilata üzv olmuşdur.
