Gəncənin növbəti küçəsində təmir işləri gedir. Bu haqda Gencexeber.az-a 21 noyabr tarixində məlumat daxil olub.
Bu hal şəhərin Mirzə Ələkbər Sabir küçəsində müşahidə olunur. Adıçəkilən ərazinin avtomobil və piyada yolu təmir edilir.
Burada canlı qüvvə çalışır. Yerə döşənən tamet daşları sökülür. Yolun çökmüş hissələri düzləşdirilir. Yerindən çıxmış daşlar yeniləri ilə əvəz olunacaq.
Təmir işləri səbəbindən yol müvəqqəti olaraq bağlanıb. Sakinlərin sözlərinə görə, Heydər Əliyev prospektində sıxlıq yaranıb.
