Gəncədə xəsarətlə nəticələnən yol-nəqliyyat hadisəsi baş verib. Bu haqda Gencexeber.az-a 11 dekabr tarixində məlumat daxil olub.
Hadisə şəhərin Nizami Gəncəvi prospektindəki Heydər Əliyev parkının qarşısında qeydə alınıb. Adıçəkilən ərazidə iki avtomobil toqquşub.
Şahidlərin sözlərinə görə, “NAZ Lifan” sola dönmək istəyərkən hərəkətdə olan “Mercedes” markalı mikroavtobusa çarpılıb. Nəticədə birinci nəqliyyat vasitəsi yoldakı arakəsmənin üzərinə çıxıb.
Qəza səbəbindən “Naz Lifan” markalı avtomobilin sərnişinləri xəsarət alıblar. Yaralılar 3 nömrəli xəstəxanaya yerləşdiriliblər. Hadisə yerinə polis və sığorta əməkdaşları cəlb olunublar.
