Gəncə şəhər 31 saylı Körpələr Evi-Uşaq Bağçasının əməkdaşları məktəbəqədər hazırlıq mərkəzlərinin birinə səfər ediblər. Bu haqda 5 aprel tarixində Regional Təhsil İdarəsinə istinadən xəbər veririk.
Adıçəkilən qurumun nümayəndələri "Minibees" Məktəbəqədər Hazırlıq Mərkəzində olublar. Onlar müxtəlif yaş qrupları üzrə məşğələlərdə iştirak ediblər. Təhsil müəssisəsinin əməkdaşları uşaqların inkişafına təsir göstərən məsələləri müzakirə edərək fikir mübadiləsi aparıblar.
Səfər dövlət-özəl məktəbəqədər təhsil müəssisələri arasında əməkdaşlıq çərçivəsində keçirilib. Qarşılıqlı əməkdaşlıq canlı və online qoşulmaqla müəssisədə, təbiətdə və şəhərdə yerləşən müxtəlif muzey, park və kitabxanalara səfərlər təşkil olunmaqla davam etdiriləcəkdir.
Qeyd edək ki, bir müddət əvvəl Gəncə şəhərində fəaliyyət göstərən dövlət və özəl məktəbəqədər təhsil müəssisələrinin rəhbərləri ilə mövzu ilə bağlı görüş keçirilmişdir.
