Gəncə Novruz bayramına hazırlaşır. Bu haqda 18 mart tarixində MKTİB-yə istinadən xəbər veririk.
Novruz bayramının gəlişi ilə əlaqədar olaraq, ümumşəhər iməciliyi keçirilib. Meydan və ətraf ərazilər, abidələr, bordürlər, oturacaqlar və bulaqlar Mənzil Kommunal Təsərrüfatı İstehsalat Birliyinin əməkdaşları tərəfindən təmizlənib.
Şəhər İcra Hakimiyyətinin təşkilatçılığı və Mənzil Kommunal Təsərrüfatı İstehsalat Birliyinin dəstəyi ilə hazırlanan Novruz şənliyində bayram təamları və atributları nümayiş olunacaq. Səməni kompozisiyası MKTİB-nin Yaşıllaşdırma və Təmir - Tikinti şöbəsinin birgə istehsalı nəticəsində ərsəyə gəlib. Onun hündürlüyü 3 metrdən artıqdır və 7 mərtəbədən ibarətdir.
