Gəncədə gənclər üçün təlim keçirilib. Bu haqda 9 dekabr tarixində “ASAN könüllüləri”nə istinadən məlumat veririk.
“Maliyyə və vergi uçotunun fərqi” mövzusunda tədbir “ASAN Könüllülərinin Şəxsi İnkişaf Proqramı” çərçivəsində təşkil olunub. Burada gəlirlərin, xərclərin düzgün tənzimlənməsi, vergi növləri, əsas qanunvericilik prinsipləri, maliyyə uçotunun və vergi uçotunun fərqləri kimi mövzulardan bəhs olunub və könüllülərin sualları cavablandırılıb.
Təlim Gəncə Regional Turizm İdarəsinin baş mühasibi, Azərbaycan Dövlət Aqrar Universitetinin baş müəllimi, Dövlət İmtahan Mərkəzinin məsələlərin tərtibi və imtahanların yoxlanılması üzrə eksperti, "Gənc Mühasiblər" İctimai Birliyinin təlimçi-eksperti İsa Şəfiyev tərəfindən keçirilib.
