Gəncədə yeraltı keçidlərin biri yararsız vəziyyətə düşüb. Bu haqda Gencexeber.az-a 13 mart tarixində məlumat daxil olub.
Söhbət şəhərin Şah İsmayıl Xətai prospektindəki Azərbaycan Texnologiya Universitetinin qarşısında yerləşən yeraltı keçiddən gedir. Buradakı alçıpan divarlardan parçalar qopub tökülüb və dəliklər əmələ gəlib. Bu hal keçidin görünüşünü xoşagəlməz edir.
Yeraltı keçiddən istifadə edən sakinlər onun səliqəyə salınmasını istəyirlər. Onların sözlərinə görə, cari vəziyyət bir müddətdir davam edir.
