Gəncə Dövlət Filarmoniyasında mərhum bəstəkarın mahnılarından ibarət konsert proqramı baş tutub. Bu haqda Gencexeber.az-a 9 aprel tarixində məlumat daxil olub.
Bəstəkar Xalq artisti Elza İbrahimovanın mahnılarından ibarət gecə təşkil olunub. Konsertdə Filarmoniyanın Estrada Ansamblının müşayiəti ilə bir sıra əsərlər səsləndirilib.
Gecədə Əməkdar mədəniyyət işçisi Mehparə Cəfərova, Əməkdar artist Kəmalə Tağızadə, solistlər Samir Məmmədov, Rövşən Məmmədov, Rüstəm Cəfərov, Əli Məmmədov, Ruslan Nağdəliyev, Yaqub Yaqubzadə, Xəyal Əliyev, Vasif Bayramovun ifasında “Bakının işıqları”, “Sən yadıma düşəndə”, “Mən sənin yanına qışda gələrdim”, “Bu bağçadan keçmisən”, “Gedək üzü küləyə”, “Gəl barışaq”, “Mehribanım”, “Daha məndə dözüm yox”, “Təki sən səslə məni”, “Ötən günlərimi qaytaraydılar”, “Gecələr bulaq başı”, “Sənin gözlərin”, “ Sən mənim səsimi eşidəcəksən” mahnıları ifa edilib.
[modula id="57710"]
