Gəncədə məktəblilər üçün tədbirlər təşkil olunub. Bu haqda 29 mart tarixində Regional Təhsil İdarəsinə istinadən məlumat veririk.
Silsilə tədbirlər “Yaşıl dünya naminə həmrəylik ili” ilə əlaqədar baş tutub. Yığıncaqlar ümumtəhsil müəssisələrinin həyətyanı sahələrində keçirilib. Məqsəd şagirdlərdə ekoloji mədəniyyət, təbiətə, ətraf mühitə qayğı hissini aşılamaq olub.
Həmçinin ətraf mühitə antropogen təsirlərin azaldılması, plastik tullantıların təbiətə və insan sağlamlığına mənfi təsirinin aradan qaldırılması üçün şagirdlər müxtəlif əraziləri tullantılardan, xüsusi ilə plastikdən təmizləyiblər.
