Gəncədə şəhidin xatirəsinə həsr edilmiş ödənişsiz sınaq imtahanı təşkil olunacaq. Bu haqda Gencexeber.az-a 27 fevral tarixində məlumat daxil olub.
Şəhid Hacı Rauf adına Təhsil və Gənclik Mərkəzi 8-ci sinif şagirdləri üçün sınaq imtahanı keçirəcək. İmtahan 3 mart tarixində saat 11:00-da Mirzə Ələkbər Sabir adına 5 nömrəli tam orta məktəbdə baş tutacaq.
Sınaq imtahanında I yerin sahibinə kubok, medal və diplom, II, III yerin sahiblərinə medal və diplom təqdim olunacaq.
Qeyd edək ki, imtahan şəhid Məmmədov Araz Adil oğlunun xatirəsinə həsr edilib.
Biliklərini sınamaq istəyən məktəblilər təhsil mərkəzinə şəxsiyyət vəsiqəsi ilə yaxınlaşmalıdırlar. Ətraflı məlumat üçün (051) 215 60 49 nömrəsi ilə əlaqə saxlayın.
