Gəncədə sakinlər sahibsiz itlərə görə narahatdırlar. Bu haqda 11 aprel tarixində Oxu.az-a istinadən məlumat veririk.
Vətəndaşlar bildirirlər ki, vəziyyət olduqca təhlükəli həddə çatıb. Onların sözlərinə görə, sahibsiz itlər səbəbindən övladları məktəbə gedib-gəlməkdə çətinlik çəkirlər.
“Üçüncü mikrorayon ərazisində itlər sürü halında ərazidə dolaşırlar. 19 saylı tam orta məktəbin şagirdləri dərsə getməkdə çətinlik çəkirlər. Heyvanlar tez-tez uşaqlara da hücum edirlər. Şikayət etsək də, məsələ ilə bağlı heç bir tədbir görülmür. Çox çətin və köməksiz vəziyyətdəyik”, - deyə onlar əlavə ediblər.
Məsələ ilə bağlı İcra Hakimiyyətinə sorğu göndərilib. “Toplan” sahibsiz itlərə qayğı mərkəzi isə zənglərə cavab verməyib.
