Hərbi idman oyunu üzrə Gəncə şəhər mərhələsi keçirilib. Bu haqda 15 mart tarixində Regional Gənclər və İdman Nazirliyinə istinadən xəbər veririk.
Müdafiə Nazirliyinin N saylı hərbi hissəsinin bazasında "Şahin" hərbi-idman oyunu baş tutub. Burada 40 tam orta ümumtəhsil məktəbinin komandaları iştirak ediblər.
Tədbirin məqsədi məktəblilər arasında “Şanlı Zəfər” tarixini təbliğ etməklə onların vətənpərvərlik, milli qürur və milli ləyaqət ruhunda tərbiyə edilməsi, həmçinin onların mənəvi-psixoloji və hərbi-fiziki hazırlığını təmin etməkdir.
Hərbi idman oyunu Azərbaycan Respublikasının Gənclər və İdman Nazirliyi, Müdafiə Nazirliyi, Elm və Təhsil Nazirliyi, Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq təşkil olunub.
