DYP əməkdaşları Gəncədə məktəblərin birində şagirdlərlə görüşüblər. Bu haqda 4 aprel tarixində Baş Dövlət Yol Polisi İdarəsinin İctimai Qurumlarla Əlaqə Şöbəsinə istinadən xəbər veririk.
Baş DYP İdarəsinin əməkdaşları 19 nömrəli tam orta məktəbdə olublar. Onlar şagirdlərə yol hərəkətinin təhlükəsizliyinə dair ətraflı məlumat veriblər. Məktəblilərin yol hərəkəti qaydaları ilə bağlı bilik və bacarıqları yoxlanılıb, onları maraqlandıran suallar cavablandırılıb.
Həyata keçirilən təbliğat-təşviqat tədbirlərinin məqsədi yollarda uşaq travmatizmini minimuma endirmək, həmçinin şagirdlərə təhlükəsiz davranış vərdişlərini aşılamaqdır.
