Gəncədə olimpiadalar təşkil olunub. Bu haqda 25 dekabr tarixində Regional Təhsil İdarəsinə istinadən xəbər veririk.
Ümumtəhsil məktəblərində Respublika Fənn Olimpiadaları keçirilib. Yarış Azərbaycan dili və ədəbiyyat, riyaziyyat, fizika, kimya, biologiya, tarix və coğrafiya fənləri üzrə təşkil olunub. Yarışlarda fəaliyyət göstərən təhsil mərkəzləri üzrə ümumilikdə 3096 nəfər şagird iştirak edib.
Olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
