Gəncədə məktəblərin birində görüş baş tutub. Bu haqda 7 dekabr tarixində Regional Təhsil İdarəsinə istinadən xəbər veririk.
Tədbir Məhəmməd Hadi adına 10 nömrəli tam orta məktəbdə “Məktəblərə kitab ianəsi” layihəsi çərçivəsində keçirilib. Təhsilin İnkişafı Fondu ilə “Inci Group of Companies” şirkətinin birgə həyata keçirdiyi görüşün məqsədi Regional Təhsil İdarəsinə 800 kitabın təhvil verilməsi olub.
Burada şagirdlərlə qarşılıqlı fikir mübadiləsi aparılıb və mütaliə ilə bağlı onları maraqlandıran suallar cavablandırılıb. Görüşdə, həmçinin Fondun yaranması, əsas fəaliyyət istiqamətləri və hazırda icra edilən layihələr haqqında məlumat verilib.
Tədbirdə Təhsilin İnkişafı Fondunun İdarə Heyətinin sədri Elnur Nəsibov, Gəncə-Daşkəsən Regional Təhsil İdarəsinin müdiri Anar Qədiməliyev, “Inci Group of Companies” şirkətinin bölgə müdiri Babək Həsənov, müəllim, şagird və valideynlər iştirak ediblər.
