Gəncədə onlayn təlim keçirilib. Bu haqda 29 sentyabr tarixində KOBİM-ə istinadən xəbər veririk.
"1C 8.2 və 8.3 platformaları əsasında mühasibat uçotunun avtomatlaşdırılması" mövzusunda onlayn təlim təşkil olunub. Tədbirdə maliyyə və idarəetmə uçotu, uçot məlumatlarının xarici və daxili istifadəçiləri, konseptual əsasların xüsusiyyətləri, Azərbaycanda mühasibatlıq proqramları, mühasiblərin əlaqədə olduğu orqanlar haqqında danışılıb.
Burada iştirak edən ekspertlər 1C proqramı ilə ümumi tanışlıq, əsas vəsaitlərin alışı, istismara verilməsi, mal-materialın alışı uçotunun aparılması, istehsal prosesi üzrə əməliyyatlar, hazır məhsullar üzrə spesifikasiyaların hazırlanması, hazır məhsulların və pul vəsaitlərinin uçotu barədə iştirakçılara məlumat veriblər.
Təlimin sonunda iştirakçıların mövzu ilə bağlı sualları cavablandırılıb.
